جنگ نیوز دیسک
سرینگر، 20 ستمبر: مرکزی تحقیقاتی بیورو CBI نے رشوت خوری کے ایک معاملے میں جموں و کشمیر حکومت کے محکمہ زراعت کے سب ڈویژنل ایگریکلچر آفیسر (SDAO)، ایگریکلچرل ایکسٹینشن اسسٹنٹ (AEA) اور ایک نجی شخص سمیت تین افراد کو گرفتار کیا ہے۔
CBI کے مطابق مقدمہ 19 ستمبر کو درج کیا گیا، جس میں SDAO پر HADP کے تحت سبسڈی جاری کرنے کے عوض شکایت کنندہ سے 35 ہزار روپے رشوت طلب کرنے کا الزام ہے۔ افسر نے مبینہ طور پر رقم AEA یا نجی شخص کو دینے کی ہدایت کی۔
CBI نے کارروائی کرتے ہوئے AEA اور نجی شخص کو 15 ہزار روپے رشوت طلب اور وصول کرتے ہوئے مبینہ طور پر رنگے ہاتھوں گرفتار کیا، جبکہ بعد میں SDAO کو اس کی رہائش گاہ سے گرفتار کرلیا گیا۔
معاملے کی مزید تحقیقات جاری ہیں۔
