جنگ نیوز
پرنس رحیم آغا خان پنجم نے بھارت کے اپنے پہلے سرکاری دورے کے دوران صدرِ جمہوریہ دروپدی مرمو، وزیرِ اعظم نریندر مودی، وزیرِ داخلہ امت شاہ اور وزیرِ خارجہ ایس جے شنکر سے ملاقاتیں کیں۔
ملاقاتوں میں سماجی بہبود، صحت، تعلیم، آبی تحفظ، صفائی، خواتین کو بااختیار بنانے، پائیدار شہری ترقی اور تاریخی و ثقافتی ورثے کے تحفظ سمیت مختلف شعبوں میں تعاون پر تبادلۂ خیال کیا گیا۔ بھارتی قیادت نے آغا خان ترقیاتی نیٹ ورک کی بھارت میں خدمات کو سراہتے ہوئے انسانی بہبود اور پائیدار ترقی کے لئے باہمی تعاون مزید مستحکم کرنے کے عزم کا اظہار کیا۔
