جنگ نیوز
سرینگر/ ڈپٹی کمشنر سرینگر اکشے لبرو نے لال چوک کے گھنٹہ گھر پر پی ایم سوریہ گھر مفت بجلی یوجنا کے تحت بیداری و رجسٹریشن کیمپ کی صدارت کی۔ انہوں نے شہریوں پر زور دیا کہ وہ چھتوں پر سولر پینل نصب کرکے بجلی کے اخراجات کم کرنے اور صاف توانائی کے فروغ میں اپنا کردار ادا کریں۔
انہوں نے بتایا کہ ضلع سرینگر میں اب تک 7910 گھرانے اس اسکیم کے تحت شامل کیے جا چکے ہیں۔ کیمپ کا انعقاد KPDCL نے کیا، جہاں شہریوں کو اسکیم سے متعلق معلومات اور موقع پر رجسٹریشن کی سہولت فراہم کی گئی۔ عوام میں بیداری پیدا کرنے کے لئے ایک نکڑ ناٹک بھی پیش کیا گیا۔
