نیوز ڈیسک
وزیر اعلیٰ عمر عبداللہ نے کشمیر کی عالمی شہرت یافتہ کرکٹ بیٹ صنعت کے تحفظ اور فروغ کے لیے حکومت کے مکمل تعاون کا یقین دلاتے ہوئے کہا ہے کہ ولو کی دیرپا شجرکاری، خام مال کی مسلسل دستیابی، بہتر بنیادی ڈھانچے اور کاروباری طریقۂ کار میں اصلاحات کے ذریعے اس روایتی صنعت کو مزید مستحکم بنایا جائے گا۔
حلمولہ سنگم انڈسٹریل اسٹیٹ میں کرکٹ بیٹ مینوفیکچررز ایسوسی ایشن کے نمائندوں سے خطاب کرتے ہوئے انہوں نے کہا کہ ولو کے درختوں کی سائنسی بنیادوں پر شجرکاری کو فروغ دیا جائے گا، جبکہ ولو کلیفٹس کی غیر قانونی نقل و حمل روکنے کے لیے نگرانی کے نظام کو مزید مؤثر بنایا جائے گا۔
وزیر اعلیٰ نے انڈسٹریل اسٹیٹ میں بلا تعطل بجلی، مستقل فائر اینڈ ایمرجنسی یونٹ، مزدوروں کے لیے طبی سہولیات اور کامن ٹریٹمنٹ فیسلٹی سینٹر جیسے مطالبات پر بھی مثبت کارروائی کا یقین دلایا۔
