جنگ نیوز
سرینگر/سرینگر سیکٹر CRPF نے پیر کو گروپ سینٹر سرینگر میں فورس کا 88واں یومِ تاسیس قومی جذبے اور جوش و خروش کے ساتھ منایا۔ اس موقع پر سرینگر، بڈگام اور گاندربل اضلاع میں تعینات CRPF کی تمام یونٹوں اور دفاتر میں بھی تقریبات کا انعقاد کیا گیا۔
تقریب کے مہمانِ خصوصی SDG، جموں کشمیر زون CRPF راجیش کمار تھے، جبکہ IG سرینگر سیکٹر پون کمار شرما، IG کشمیر آپریشنز سیکٹر ونیت برج لال اور دیگر سینئر افسران بھی موجود تھے۔
راجیش کمار نے CRPF کے اہلکاروں کو یومِ تاسیس کی مبارک باد پیش کرتے ہوئے پنجاب، شمال مشرق، LWE اور جموں و کشمیر میں فورس کی خدمات کو سراہا اور دہشت گردی کے خلاف کارروائیوں میں CRPF کے شہداء کی قربانیوں کو خراجِ عقیدت پیش کیا۔
تقریب کے دوران شہید اسمارک پر شہداء کو گل ہائے عقیدت پیش کیے گئے، سینک سمیلن کا انعقاد کیا گیا اور شوریہ چکر، گیلنٹری میڈل اور DG’s Disc حاصل کرنے والے اہلکاروں کو ان کی نمایاں خدمات پر اعزازات سے نوازا گیا۔ بعد ازاں کھیلوں کے مقابلے اور روایتی بڑا کھانا بھی منعقد کیا گیا۔
