سرینگر، 24 ستمبر:
جموں و کشمیر قانون ساز اسمبلی میں جمعرات کی دوپہر اس وقت زبردست ہنگامہ آرائی دیکھنے میں آئی جب بھارتیہ جنتا پارٹی (بی جے پی) نے حکمران جماعت کے انتخابی منشور میں AAY (انتیودیا انا یوجنا) زمرے کے خاندانوں کے لیے 12 مفت گیس سلنڈروں کے وعدے کو لے کر عمر عبداللہ کی قیادت والی حکومت کے خلاف نعرے بازی کی۔
اس کے ردعمل میں، وزیر ستیش شرما نے ایوان میں اعلان کیا کہ AAY زمرے کے خاندانوں کو چھ مفت گیس سلنڈر فراہم کرنے کی پالیسی کو منظوری دے دی گئی ہے۔ بی جے پی کے اراکینِ اسمبلی نے کہا، "حکومت نے 12 سلنڈروں کا وعدہ کیا تھا، اور اب دو سال بعد آپ چھ سلنڈر دے رہے ہیں۔” اس کے بعد، بی جے پی قانون سازوں نے اسمبلی میں "6 سلنڈر کہاں گئے” اور "سلنڈر چور ہیں ہائے ہائے” جیسے نعرے لگائے۔ قائدِ حزبِ اختلاف سنیل شرما نے کھڑے ہو کر کہا، "عوام حکومت کو اس کے جھوٹے وعدوں پر معاف نہیں کریں گے۔” نیشنل کانفرنس (این سی) کے اراکین نے جواب میں "چندہ چور بیٹھ جاؤ” کے نعرے لگائے۔
 کے اراکین نے جواب میں "چندہ چور بیٹھ جاؤ" کے نعرے لگائے۔){kind=link}