جنگ نیوز
سرینگر/جموں و کشمیر حکومت نے BNS 2023 اور POCSO ایکٹ 2012 کے تحت درج مقدمے کے پیش نظر ٹیچر گریڈ-II خالد حسین کو سرکاری ملازمت سے برطرف کردیا۔
حکومت نے بتایا کہ گورنمنٹ مڈل اسکول بمل پورہ گورینالہ، زون اندر وال، ضلع کشتواڑ میں تعینات خالد حسین کے خلاف BNS کی مختلف دفعات اور POCSO ایکٹ کی دفعات کے تحت FIR درج ہے۔
حکومت کے مطابق معاملے کے تمام پہلوؤں کا جائزہ لینے کے بعد انہیں بڑی سزا کے طور پر ملازمت سے برطرف کرنے کا فیصلہ کیا گیا۔ حکم نامے کے تحت خالد حسین کو مستقبل میں جموں و کشمیر حکومت کی کسی بھی ملازمت کے لئے بھی نااہل قرار دیا گیا ہے۔
حکم نامے میں کہا گیا کہ ان کی معطلی کے دوران معاملہ مجاز اتھارٹی کے سامنے پیش کیا گیا، جس نے آئینی اور سروس قوانین کے تحت کارروائی کی۔
