جنگ نیوز ڈیسک
جموں/جموں و کشمیر کے پولیس سربراہ **ڈی جی پی نلن پربھات** نے جموں خطے میں منشیات پر مبنی دہشت گردی کے نیٹ ورک کے خلاف کارروائیاں تیز کرنے اور ابھرتے ہوئے سکیورٹی خطرات سے نمٹنے کے لئے خفیہ اطلاعات پر مبنی کارروائیوں کو مزید مؤثر بنانے کی ہدایت دی ہے۔
جموں پولیس کے افسران کے ساتھ اعلیٰ سطحی سکیورٹی جائزہ اجلاس کی صدارت کرتے ہوئے ڈی جی پی نلن پربھات نے کہا کہ منشیات پر مبنی دہشت گردی کے پورے نظام، بشمول مالی معاونین، ہینڈلرز اور رسدی معاونت فراہم کرنے والوں، کو ختم کرنا اولین ترجیح ہونی چاہیے۔
انہوں نے علاقے میں تسلط، رات کی گشت، خفیہ اطلاعات کی بنیاد پر کارروائیوں اور تمام سکیورٹی اداروں کے درمیان قریبی تال میل برقرار رکھنے کی ہدایت دی، تاکہ دہشت گرد تنظیموں اور ان کے معاون ڈھانچوں کو کارروائی کی کوئی گنجائش نہ ملے۔
اجلاس میں انسدادِ دہشت گردی اقدامات، سرحدی چیلنجز اور منشیات کی اسمگلنگ کے ذریعے دہشت گرد سرگرمیوں کی مالی معاونت کے بڑھتے ہوئے خطرے کا بھی جائزہ لیا گیا۔
اجلاس میںآئی جی پی جموں زون تاجندر سنگھ، ڈی آئی جی جموں-کٹھوعہ-سانبہ رینج شری دھر پاٹل، ایس ایس پی جموں جوگندر سنگھ اور دیگر اعلیٰ پولیس افسران شریک ہوئے۔
