جنگ نیوز
سرینگر/ منشیات کی اسمگلنگ اور غیر قانونی ذرائع سے حاصل ہونے والی آمدنی کے خلاف ایک اہم کارروائی کے تحت اینٹی نارکوٹکس ٹاسک فورس (ANTF) کشمیر نے ملزم افتخار احمد ولد غلام رسول قریشی، ساکن تاد، کرناہ، کپواڑہ کے دو منزلہ رہائشی مکان کو منجمد و منسلک کرنے کی کارروائی عمل میں لائی ہے۔ مذکورہ ملزم پولیس اسٹیشن اے این ٹی ایف کشمیر میں درج ایف آئی آر نمبر 06/2026، زیر دفعات 8/21 اور 29 این ڈی پی ایس ایکٹ اور دفعہ 61 بی این ایس کے تحت مقدمے میں ملوث ہے۔
مذکورہ جائیداد کو این ڈی پی ایس ایکٹ کی دفعہ 68-E کو دفعہ 68-F کے ساتھ ملا کر حاصل اختیارات کے تحت منجمد و منسلک کیا گیا ہے۔ یہ کارروائی اے این ٹی ایف کشمیر کی جانب سے غیر قانونی منشیات کی سرگرمیوں سے حاصل یا ان سے منسلک جائیدادوں اور اثاثوں کی نشاندہی، سراغ لگانے اور ان کے خلاف قانونی کارروائی کرنے کی جاری کوششوں کا حصہ ہے۔
یہ کارروائی منشیات کی اسمگلنگ اور اس کے مالیاتی نیٹ ورک کے خلاف اے این ٹی ایف کشمیر کی زیرو ٹالرنس پالیسی کی عکاسی کرتی ہے۔ منشیات کے غیر قانونی کاروبار میں ملوث افراد کے ساتھ ساتھ اس طرح کی سرگرمیوں سے منسلک اثاثوں کو بھی نشانہ بنا کر اے این ٹی ایف کشمیر منشیات کے ناسور کی مالی بنیاد کو کمزور کرنے کے لئے اقدامات کر رہی ہے۔
موجودہ جائیداد کو منجمد کرنے کی کارروائی اے این ٹی ایف کشمیر کی اس مسلسل مہم میں ایک اور اہم کامیابی ہے، جس کا مقصد غیر قانونی منشیات کے کاروبار کو سہارا دینے والے معاشی ڈھانچے کو ختم کرنا اور یہ واضح پیغام دینا ہے کہ منشیات کی اسمگلنگ سے حاصل ہونے والی آمدنی اور اثاثوں کی نشاندہی کرکے قانون کے مطابق ان کے خلاف کارروائی کی جائے گی۔
اے این ٹی ایف کشمیر معاشرے، بالخصوص نوجوان نسل کو منشیات کے تباہ کن اثرات سے محفوظ رکھنے اور منشیات اسمگلروں اور ان کے ساتھیوں کے خلاف سخت اور مسلسل کارروائی کرنے کے لئے پُرعزم ہے۔ اے این ٹی ایف کشمیر نے عوام سے اپیل کی ہے کہ وہ منشیات کی اسمگلنگ اور استعمال سے متعلق سرگرمیوں کی نشاندہی اور ان کی اطلاع دینے میں تعاون کریں۔ منشیات کے ناسور کے خلاف جنگ کو مؤثر بنانے میں عوامی شرکت انتہائی اہم ہے۔
