جنگ نیوز
سرینگر/SKUAST-K کے SKIIE اور IIMCIP نے مشترکہ طور پر 14ویں ٹاٹا سوشل انٹرپرائز چیلنج (TSEC) 2026 کے تحت شالیمار کیمپس میں "اسپارک سوشل” سیمینار کا انعقاد کیا، جس کا مقصد طلبہ، محققین اور ابھرتے ہوئے اختراع کاروں کو سماجی کاروباری منصوبوں کی جانب راغب کرنا تھا۔
تقریب کے مہمانِ خصوصی وائس چانسلر SKUAST-K پروفیسر نذیر احمد گنائی نے کہا کہ اختراع اور کاروباری صلاحیتیں اعلیٰ تعلیم کا لازمی جزو بن چکی ہیں اور نوجوانوں کو سماجی مسائل کے حل کے لیے اپنی تخلیقی صلاحیتیں بروئے کار لانی چاہئیں۔
IIMCIP کے اسسٹنٹ وائس پریزیڈنٹ سوجیت داس نے TSEC سے متعلق تفصیلی معلومات فراہم کرتے ہوئے انکیوبیشن، رہنمائی، سرمایہ کاروں سے روابط اور فنڈنگ کے مواقع پر روشنی ڈالی، جبکہ SKIIE کے CEO نوید حمید نے نوجوانوں کو روزگار فراہم کرنے والا بنانے کے لیے یونیورسٹی کے عزم کا اعادہ کیا۔
سیمینار کے اختتام پر کاروباری منصوبوں کی پیشکش کا ایک تعاملی سیشن بھی منعقد ہوا، جس میں شرکاء کو ماہرین کی جانب سے رہنمائی اور تجاویز فراہم کی گئیں۔
