رمیز مخدومی
جنگ نیوز ڈیسک
وندے بھارت ایکسپریس نے تجارتی آپریشن شروع کرنے کے صرف 22 دنوں میں 101050 سے زائد مسافروں کو جموں اور سری نگر کے درمیان سفری سہولت فراہم کی، جسے حکام نے خطے کی ریل رابطہ کاری میں اہم سنگِ میل قرار دیا ہے۔
حکام کے مطابق 2 مئی سے 23 مئی تک چلنے والی اس سیمی ہائی سپیڈ ٹرین نے عوام میں تیزی سے مقبولیت حاصل کی ہے کیونکہ یہ ہوائی سفر کے مقابلے میں کم خرچ اور زیادہ آرام دہ متبادل ثابت ہو رہی ہے۔ ٹرین جموں اور سری نگر کے درمیان سفر تقریباً ساڑھے چار گھنٹے میں مکمل کرتی ہے جبکہ فی مسافر کرایہ 730 روپے ہے۔
ریلوے حکام نے کہا کہ یہ ہر موسم میں قابلِ بھروسہ ریل سروس قومی شاہراہ پر لینڈ سلائیڈنگ اور خراب موسم کے باعث پیش آنے والی رکاوٹوں کا مؤثر حل فراہم کر رہی ہے۔ انہوں نے بتایا کہ بہتر ریل رابطے سے سیاحت، باغبانی اور دستکاری کے شعبوں کو بھی فائدہ پہنچے گا۔
