شوپیاں، 22 ستمبر،
پرنسپل ڈسٹرکٹ اینڈ سیشنز کورٹ شوپیاں نے منگل کے روز 2019ء کے ایک قتل کے مقدمے میں مجرم کو عمر قید اور 1 لاکھ روپے جرمانے کی سزا سنائی۔
پرنسپل ڈسٹرکٹ اینڈ سیشنز جج شوپیاں، محمود احمد چودھری نے کیس ایف آئی آر نمبر 19/2019 (درج شدہ تحت دفعات 341، 147، 148، 307، 302، 109، 506 اور 34 رنکبیر پینل کوڈ) میں اپنا فیصلہ سنایا۔ عدالت نے اڑپورہ ناگبل کے رہنے والے بلال احمد سیہ ولد عبدالاحد سیہ کو اس کیس میں دوشی قرار دیتے ہوئے عمر قید اور جرمانے کی سزا سنائی۔
مقدمے کی پیروکاری پبلک پراسیکیوٹر فاروق احمد شاگو نے کی۔ یہ معاملہ اپریل 2019ء کا ہے، جب محکمہ دیہی ترقی کے ایک اہلکار، ادفر رشید پارہ عرف کمال، کو شوپیاں کے علاقہ اڑپورہ میں ایک تکرار کے بعد چاقو مار کر قتل کر دیا گیا تھا۔ عدالت کی جانب سے فیصلہ سنائے جانے کے ساتھ ہی اس کیس میں جاری ٹرائل مکمل طور پر ختم ہو گیا ہے۔
