جنگ نیوز
سری نگر/جموں و کشمیر میں پہلی مرتبہ منعقد ہونے والے انٹرنیشنل فلم فیسٹیول آف جموں و کشمیر (IFFJK) کی کامیابی میں محکمہ اطلاعات و تعلقات عامہ (DIPR) کی پیشہ ورانہ ٹیم ورک نمایاں رہی۔ 7 سے 10 ستمبر تک سری نگر، جموں اور گلمرگ میں جاری رہنے والے فیسٹیول میں ملک و بیرون ملک سے بڑی تعداد میں فلم سازوں، فنکاروں اور مندوبین نے شرکت کی۔
فیسٹیول کی مجموعی رابطہ کاری اور ہموار انعقاد میں ڈائریکٹر اطلاعات شریا سنگھل، آئی اے ایس کی قیادت قابلِ ذکر رہی۔ پیشگی جائزہ اجلاسوں، مختلف محکموں کے ساتھ رابطہ کاری اور میڈیا مینجمنٹ پر ان کی نگرانی نے فیسٹیول کے انعقاد کو منظم بنانے میں اہم کردار ادا کیا۔
اس فیسٹیول میں DIPR کا کردار روایتی سرکاری تشہیر تک محدود نہیں رہا۔ محکمہ نے جموں و کشمیر کو صرف ایک خوبصورت فلم لوکیشن کے طور پر نہیں بلکہ ثقافت، کہانی، فن اور تخلیقی صلاحیتوں کے حامل خطے کے طور پر پیش کرنے کی کوشش کی۔
ڈائریکٹر اطلاعات شریا سنگھل کی قیادت، جوائنٹ ڈائریکٹر کشمیر سید شہنواز بخاری کی رابطہ کاری، ڈاکٹر ظہور احمد رینہ، جاوید احمد راتھر، محمد رفیق زُلّہ،شبیر احمد زبیر احمد اور دیگر افسران و اہلکاروں کی ذمہ داریاں اس اجتماعی کوشش کا حصہ تھیں۔
IFFJK نے جہاں جموں و کشمیر کو عالمی فلمی نقشے پر نمایاں کیا، وہیں خطے کی ثقافت، مہمان نوازی اور فلم سازی کی صلاحیتوں کو بھی اجاگر کیا۔ پہلے ایڈیشن کی کامیابی پر DIPR کی پوری ٹیم اس پیشہ ورانہ اور مربوط کارکردگی کے لئے مبارکباد کی مستحق ہے۔
توقع ہے کہ آئندہ برسوں میں IFFJK کو مزید وسعت دے کر جموں و کشمیر کو فلم سازی اور فلم ٹورزم کا اہم مرکز بنایا جائے گا۔
