جنگ نیوز ڈیسک
سری نگر/کشمیر سپر لیگ KSL سیزن 2 میں یونائیٹڈ ایلیگنٹ ایف سی اور سوئفٹ اسٹرائیکرز ایف سی کے درمیان جمعرات کو کھیلا گیا دلچسپ مقابلہ 1-1 سے برابر رہا، جس کے بعد دونوں ٹیموں نے ایک، ایک پوائنٹ حاصل کیا۔
میچ کے آغاز سے ہی سوئفٹ اسٹرائیکرز نے جارحانہ انداز اپناتے ہوئے متعدد مواقع پیدا کیے، تاہم کھلاڑی ان مواقع کو گول میں تبدیل نہ کرسکے۔ دونوں ٹیموں نے عمدہ کھیل کا مظاہرہ کرتے ہوئے مسلسل ایک دوسرے کے دفاع پر دباؤ برقرار رکھا۔
سوئفٹ اسٹرائیکرز کی جانب سے کرسپو نمایاں کھلاڑی رہے، جبکہ یونائیٹڈ ایلیگنٹ ایف سی کے عاکف ریشی نے بھی مضبوط کارکردگی کا مظاہرہ کیا۔
دونوں ٹیموں نے ایک، ایک گول کیا، تاہم فیصلہ کن برتری حاصل کرنے میں ناکام رہیں اور مقابلہ 1-1 کی برابری پر ختم ہوا۔ اس نتیجے کے ساتھ KSL سیزن 2 میں مقابلہ مزید دلچسپ ہوگیا ہے، جہاں ٹیمیں اہم پوائنٹس کے حصول کے لیے مسلسل جدوجہد ک ررہی ہیں۔
