جنگ نیوز ڈیسک
سرینگر/وادی کشمیر کا تاریخی لال چوک پیر کے روز دیوالی کی رنگین روشنیوں سے نہا اُٹھا۔ جگہ جگہ دیے روشن کیے گئے، عمارتوں کو برقی قمقموں سے سجایا گیا اور فضا میں خوشیوں کی چمک پھیل گئی۔
اس موقع پر ہندو برادری کے افراد نے روایتی عقیدت کے ساتھ پوجا اور آرتی کی رسم ادا کی۔
شہر کے مرکزی مقام پر سینکڑوں شہری جمع ہوئے جنہوں نے دیوالی کی خوشیوں میں شریک ہو کر امن و ہم آہنگی کا پیغام دیا۔
لال چوک کے گردونواح میں حفاظتی انتظامات سخت کیے گئے تھے جبکہ روشنیوں کی چمک نے پورے علاقے کو ایک حسین منظر میں بدل دیا۔
