جنگ نیوز
نئی دہلی// سپریم کورٹ کالجیم نے 29 اکتوبر 2026 کو منعقدہ اجلاس میں جموں و کشمیر و لداخ ہائی کورٹ کے ججوں کی حیثیت سے تقرری کے لئے 9 وکلا کے ناموں کی سفارش کی۔ ان میں وشال شرما، وکرم کمار شرما، نامگیال وانگچک، پون کمار کندل، طاہر مجید شمسی، تبسم ظفر، امیت گپتا، پرنو کھولی اور انوپم رائنا شامل ہیں۔ اس سے قبل چیف جسٹس ارون پلی کی سربراہی میں ہائی کورٹ کالجیم نے رواں سال اپریل میں 11 ناموں کی سفارش کی تھی، جن میں 10 وکلا اور ایک عدالتی افسر شامل تھے۔ نومبر 2024 میں ہائی کورٹ کے لئے منظور شدہ ججوں کی تعداد 17 سے بڑھا کر 25 کر دی گئی تھی۔
