جنگ نیوز
آج دنیا بھر میں محسن انسانیت، حضرت محمد مصطفیٰ ﷺ کا 1501واں یوم ولادت باسعادت عقیدت و احترام کے ساتھ منایا جا رہا ہے۔
اس موقع پر وادی کشمیر بھر کی درگاہوں، خانقاہوں اور مساجد میں خصوصی مجالس، محافل اور دعائیہ تقریبات منعقد ہوں گی۔ درگاہ حضرت بل سری نگر میں وادی کشمیر کے سب سے بڑے مذہبی اجتماع کی توقع ہے، جہاں بڑی تعداد میں عقیدت مند حاضری دیں گے۔
عقیدت مند اس بابرکت موقع پر نبی کریم ﷺ کی سیرت طیبہ، تعلیمات اور آپ ﷺ کے امن، محبت، اخوت اور انسانیت کے پیغام کو خراج عقیدت پیش کریں گے۔
قابل ذکر ہے نبی کریم حضرت محمد ﷺ کی ولادت عام الفیل کے سال ہوئی، جسے عموماً 570ء کے قریب قرار دیا جاتا ہے۔ اس اعتبار سے سن 2026ء میں ولادت نبوی ﷺ کو تقریباً 1456 عیسوی سال گزر چکے ہیں، تاہم اسلامی قمری سال کے حساب سے 12 ربیع الاول 1448 ہجری کے بعد آنے والا یوم ولادت 1501ویں سال ولادت کے طور پر منایا جا رہا ہے۔
