جنگ نیوز ڈیسک
سرینگر/ سرینگر کے پرنسپل ڈسٹرکٹ اینڈ سیشنز جج کی عدالت نے گاؤکدل کی مرکزی اہلِ حدیث مسجد میں 2020 میں عبدالغنی ڈار کے قتل کے مقدمے میں غلام محی الدین ڈار کو قصوروار قرار دے دیا ہے۔عدالت نے FIR نمبر 03/2020، تھانہ میسومہ کے تحت درج مقدمے میں ملزم کو سابقہ RPC کی دفعہ 302 کے تحت قتل کا مجرم قرار دیا۔ استغاثہ نے CCTV فوٹیج، عینی گواہوں کے بیانات، سائنسی و فرانزک شواہد اور دورانِ تفتیش برآمد ہونے والے ثبوت پیش کیے، جن کی بنیاد پر عدالت نے جرم ثابت قرار دیا۔
عدالت نے سزا کے تعین سے متعلق دلائل سننے کے لیے 6 اگست 2026 کی تاریخ مقرر کی ہے۔ مقتول عبدالغنی ڈار المعروف عبداللہ غزالی 2020 میں میسومہ کی جامع اہلِ حدیث مسجد کے اندر مردہ پائے گئے تھے۔
