جنگ نیوز ڈیسک
پنچکولہ/ پاور گرڈ کارپوریشن آف انڈیا لمیٹڈ کے نارتھرن ریجن ٹرانسمیشن سسٹم-II کی جانب سے پنچکولہ میں بین العلاقائی ثقافتی میلے ’ابھی ویکتی 2026‘ اور روایتی دستکاری نمائش کا انعقاد کیا گیا۔ پاور گرڈ کے ایگزیکٹو ڈائریکٹر ترون باجاج نے میلے کا افتتاح کیا۔
پروگرام میں جموں و کشمیر، ہماچل پردیش، پنجاب اور ہریانہ کے فنکاروں نے لوک رقص، ڈراموں اور گیتوں کے ذریعے اپنی ثقافتی روایات پیش کیں۔ سمبا سب اسٹیشن کی ٹیم نے ’اُڑان‘ جبکہ علاقائی ہیڈکوارٹر جموں کی ٹیم نے ’شکتی سرووپا، ماں ویشنو دیوی‘ پیش کیا۔
مقابلے میں کیتھل نے پہلی، ملیرکوٹلہ نے دوسری اور موگا نے تیسری پوزیشن حاصل کی، جبکہ ہمیراپور کی ٹیم کو ترغیبی انعام دیا گیا۔ مہمانِ خصوصی نے کامیاب ٹیموں اور دستکاری نمائش کے نمایاں شرکاء میں انعامات تقسیم کیے۔
استقبالیہ خطاب شفت احمد وانی، چیف جنرل منیجر (اے ایم)، نے پیش کیا، جبکہ آشوتوش کے شرما، جنرل منیجر (ایچ آر)، نے شکریہ ادا کیا۔
