جنگ نیوز ڈیسک
نئی دہلی: وزیر اعظم نریندر مودی نے ملک کی پہلی ہائیڈروجن سے چلنے والی ٹرین کا افتتاح کیا، جو شمالی ریلوے کے تحت ہریانہ میں 89 کلومیٹر طویل جنڈ۔سونی پت روٹ پر چلائی جائے گی۔
یہ ٹرین پہلی مرتبہ ہائیڈروجن Fuel Cell ٹیکنالوجی استعمال کرے گی، جس سے بجلی پیدا ہوگی اور ڈیزل انجنوں کے مقابلے میں ماحول دوست اور کم آلودگی والا سفر ممکن ہوگا۔ اس منصوبے میں ہائیڈروجن ذخیرہ کرنے اور ایندھن بھرنے کی سہولت بھی شامل ہے۔
وزیر اعظم نے کہا کہ اس پیش رفت کے ساتھ ہندوستان ہائیڈروجن سے چلنے والی ٹرینیں متعارف کرانے والے چند منتخب ممالک میں شامل ہوگیا ہے۔ اس وقت جرمنی، جاپان، چین اور امریکہ بھی اس جدید ریلوے ٹیکنالوجی پر کام کر رہے ہیں۔
اہم خصوصیات
• 10 کوچز پر مشتمل Hydrogen Fuel Cell ٹرین۔
• 1200 kW ہائیڈروجن پروپلشن نظام سے چلنے والی۔
• زیادہ سے زیادہ آپریشنل رفتار 75 kmph جبکہ ڈیزائن رفتار 110 kmph۔
• تقریباً 2600 مسافروں کی گنجائش۔
• مکمل طور پر ہندوستان میں ڈیزائن اور پروٹوٹائپ تیار کیا گیا۔
