جنگ نیوز ڈیسک
سرینگر/کانگریس ہائی کمان نے جموں و کشمیر یونٹ میں مبینہ بد نظمی اور پارٹی مخالف سرگرمیوں کی تحقیقات کے لئے تین رکنی کمیٹی تشکیل دے دی ہے۔ AICC کے جنرل سکریٹری کے سی وینوگوپال کی جانب سے جاری حکم نامے کے مطابق راجیہ سبھا رکن شکتی سنگھ گوہل کو کمیٹی کا کنوینر مقرر کیا گیا ہے، جبکہ ڈاکٹر امر سنگھ اور رفیق خان اس کے ارکان ہوں گے۔
کمیٹی جموں و کشمیر کانگریس میں مبینہ بد نظمی اور پارٹی مخالف سرگرمیوں کی رپورٹوں کا جائزہ لے گی۔
یہ فیصلہ ایسے وقت میں سامنے آیا ہے جب کانگریس ہائی کمان نے حال ہی میں جموں و کشمیر کے سینئر پارٹی رہنماؤں کو نئی دہلی طلب کرکے اندرونی اختلافات اور گروپ بندی پر ناراضی کا اظہار کیا تھا۔
