جنگ نیوز
جموں-سری نگر قومی شاہراہ پر نگروٹہ کے جگتی کرلی علاقے میں ایک مسافر بس اور کریٹا کار کے درمیان تصادم میں ہریانہ کے تین نوجوان سیاح جاں بحق جبکہ دو دیگر شدید زخمی ہوگئے۔
متوفین کی شناخت سکندر سیفی، شکتی اور موہت ورما کے طور پر ہوئی ہے، جبکہ دیپک ورما اور کلدیپ شرما GMC جموں میں زیر علاج ہیں اور ان کی حالت تشویشناک بتائی جاتی ہے۔
لیفٹیننٹ گورنر منوج سنہا اور وزیر اعلیٰ عمر عبداللہ نے حادثے پر گہرے رنج و غم کا اظہار کرتے ہوئے سوگوار خاندانوں سے تعزیت کی ہے۔ دونوں رہنماؤں نے زخمیوں کو بہترین طبی سہولیات فراہم کرنے اور متاثرہ خاندانوں کو ہر ممکن مدد دینے کی ہدایت دی ہے۔
