جنگ نیوز
وسطی کشمیر کے ضلع گاندربل کے کنگن علاقے کے گوری پورہ گاؤں میں منگل کو نہر میں گرنے سے دو کمسن بچوں کی موت ہوگئی۔
اطلاعات کے مطابق دونوں بچے بابا آبپاشی نہر میں اچانک پھسل کر گر گئے، جس کے نتیجے میں وہ ڈوب گئے۔
متوفین کی شناخت 4 سالہ آشیہ دختر محمد امین لون اور 6 سالہ محمد عمران ولد محمد اقبال لون، ساکنان گوری پورہ کنگن، کے طور پر ہوئی ہے۔
مقامی لوگوں نے فوری طور پر بچوں کو نہر سے باہر نکالا، تاہم انہیں بچایا نہ جا سکا۔ واقعے کے بعد علاقے میں کہرام مچ گیا ہے جبکہ پولیس نے معاملے کی تحقیقات شروع کر دی ہیں۔
