جنگ نیوز

گلمرگ/جموں و کشمیر کے معروف سیاحتی مقام گلمرگ میں اتوار کے روز اُس وقت خوف و ہراس پھیل گیا جب ایشیا کے بلند ترین کیبل کار منصوبوں میں شمار ہونے والی گلمرگ گونڈولا سروس اچانک تکنیکی خرابی کا شکار ہوگئی، جس کے نتیجے میں تقریباً 300 سیاح فضا میں معلق چیئر کاروں میں پھنس گئے۔
واقعہ کے فوراً بعد فوج، جموں و کشمیر پولیس، نیم فوجی دستوں اور سول ڈیفنس ٹیموں پر مشتمل ایک بڑے مشترکہ ریسکیو آپریشن کا آغاز کیا گیا، جس کے ذریعے تمام پھنسے ہوئے سیاحوں کو بحفاظت نکال لیا گیا۔
حکام کے مطابق تکنیکی خرابی دوپہر تقریباً ایک بجے گونڈولا سروس کے پہلے مرحلے میں پیش آئی، جس کے باعث شمالی کشمیر کے اس مشہور سیاحتی مقام پر سروس معطل ہوگئی۔
گلمرگ ڈیولپمنٹ اتھارٹی کے ایک سینئر افسر نے بتایا کہ گونڈولا کے پہلے مرحلے کی کارروائی اچانک تکنیکی نقص سے متاثر ہوئی۔
گونڈولا کا پہلا مرحلہ گلمرگ بول سے کنگڈوری تک چلتا ہے، جبکہ دوسرا مرحلہ تقریباً چار ہزار میٹر کی بلندی پر واقع افروات چوٹی تک جاتا ہے۔
موقع سے سامنے آنے والی تصاویر اور ویڈیوز میں دیکھا گیا کہ متعدد سیاح فضا میں معلق رہے جبکہ ریسکیو ٹیمیں دشوار گزار پہاڑی علاقے میں انہیں محفوظ طریقے سے نیچے اتارنے میں مصروف تھیں۔ اس دوران سیاحوں میں شدید بے چینی اور خوف کی کیفیت پائی گئی۔
نائب وزیر اعلیٰ سریندر چودھری بھی دیگر اعلیٰ حکام کے ہمراہ موقع پر پہنچے اور ریسکیو کارروائیوں کی نگرانی کی۔
مرکزی وزیر داخلہ امت شاہ نے تمام سیاحوں کے کامیاب انخلا پر ریسکیو ٹیموں کی ستائش کی۔

جنگ نیوز

گلمرگ/جموں و کشمیر کے معروف سیاحتی مقام گلمرگ میں اتوار کے روز اُس وقت خوف و ہراس پھیل گیا جب ایشیا کے بلند ترین کیبل کار منصوبوں میں شمار ہونے والی گلمرگ گونڈولا سروس اچانک تکنیکی خرابی کا شکار ہوگئی، جس کے نتیجے میں تقریباً 300 سیاح فضا میں معلق چیئر کاروں میں پھنس گئے۔
واقعہ کے فوراً بعد فوج، جموں و کشمیر پولیس، نیم فوجی دستوں اور سول ڈیفنس ٹیموں پر مشتمل ایک بڑے مشترکہ ریسکیو آپریشن کا آغاز کیا گیا، جس کے ذریعے تمام پھنسے ہوئے سیاحوں کو بحفاظت نکال لیا گیا۔
حکام کے مطابق تکنیکی خرابی دوپہر تقریباً ایک بجے گونڈولا سروس کے پہلے مرحلے میں پیش آئی، جس کے باعث شمالی کشمیر کے اس مشہور سیاحتی مقام پر سروس معطل ہوگئی۔
گلمرگ ڈیولپمنٹ اتھارٹی کے ایک سینئر افسر نے بتایا کہ گونڈولا کے پہلے مرحلے کی کارروائی اچانک تکنیکی نقص سے متاثر ہوئی۔
گونڈولا کا پہلا مرحلہ گلمرگ بول سے کنگڈوری تک چلتا ہے، جبکہ دوسرا مرحلہ تقریباً چار ہزار میٹر کی بلندی پر واقع افروات چوٹی تک جاتا ہے۔
موقع سے سامنے آنے والی تصاویر اور ویڈیوز میں دیکھا گیا کہ متعدد سیاح فضا میں معلق رہے جبکہ ریسکیو ٹیمیں دشوار گزار پہاڑی علاقے میں انہیں محفوظ طریقے سے نیچے اتارنے میں مصروف تھیں۔ اس دوران سیاحوں میں شدید بے چینی اور خوف کی کیفیت پائی گئی۔
نائب وزیر اعلیٰ سریندر چودھری بھی دیگر اعلیٰ حکام کے ہمراہ موقع پر پہنچے اور ریسکیو کارروائیوں کی نگرانی کی۔
مرکزی وزیر داخلہ امت شاہ نے تمام سیاحوں کے کامیاب انخلا پر ریسکیو ٹیموں کی ستائش کی۔