بلال بشیر بٹ
سرینگر/ جنگ نیوز/جموں کشمیر میں مادری زبانوں کے فروغ اور ادبی ہم آہنگی کے لیے ادبی مرکز کمراز جموں کشمیر کی جانب سے 46 واں ہمہ لسانی کانفرنس منعقد کی جا رہی ہے۔ یہ سہ روزہ کانفرنس مادری زبانوں کے جشن کے طور پر 10 فروری سے 12 فروری 2026 تک کے ایل سہگل ہال رائٹرز کلب جموں میں منعقد ہوگی۔
ادبی مرکز کمراز کے جنرل سیکریٹری شبنم تلگامی نے روزنامہ سری نگر جنگ سے بات کرتے ہوئے کہا "کانفرنس کا باقاعدہ افتتاح 10 فروری 2026 کو سہ پہر 3 بجے ہوگا۔ اس ادبی اجتماع میں مختلف زبانوں سے تعلق رکھنے والے نامور قلمکار اور دانشور شرکت کریں گے جبکہ کانفرنس کا مرکزی موضوع جشن مادری زبانیں ہوگا۔”
اس ادبی کانفرنس کا اہتمام ادبی مرکز کمراز کی جانب سے کیا جا رہا ہے جس میں جموں و کشمیر بینک اور جموں و کشمیر اکیڈمی آف آرٹ کلچر اینڈ لینگویجز کا تعاون شامل ہے۔ منتظمین نے ادب دوست حلقوں اور اہل قلم سے بھرپور شرکت کی اپیل کی ہے۔
