سرینگر میں کرسمس کے موقع پر ہولی فیملی کیتھولک چرچ میں خصوصی دعائیہ تقاریب اور مذہبی عبادات انجام دی گئیں۔ مسیحی برادری کے افراد نے حضرت عیسیٰ علیہ السلام کی ولادت کی مناسبت سے خصوصی ماس میں شرکت کی۔
چرچ کو سادہ انداز میں روشنیوں اور کرسمس ٹری سے سجایا گیا تھا۔ امن و امان کو یقینی بنانے کے لیے سکیورٹی کے مناسب انتظامات کیے گئے اور ٹریفک کو بھی منظم رکھا گیا۔
چرچ حکام کے مطابق دعاؤں میں جموں کشمیر سمیت پوری دنیا میں امن اور ہم آہنگی کی التجا کی گئی۔ انتظامیہ کے سینئر افسران نے بھی کرسمس کے موقع پر عوام کو مبارکباد دی۔
