جنگ نیوز ڈیسک
کٹھمنڈو/نیپال حکومت نے پیر کی رات دیر گئے سوشل میڈیا ایپس پر عائد پابندی ختم کر دی، جب کہ ’جنریشن زی‘ کی قیادت میں ہونے والے پُرتشدد احتجاجات میں پولیس جھڑپوں کے دوران 19 افراد جاں بحق ہوئے۔
وزیر اطلاعات پرتھوی سبا گورنگ نے ہنگامی کابینہ اجلاس کے بعد اعلان کیا کہ فیصلہ عوامی مطالبات کو مدنظر رکھتے ہوئے کیا گیا ہے، تاہم حکومت کو ابتدائی پابندی پر افسوس نہیں ہے۔
گورنگ نے مظاہرین سے احتجاج ختم کرنے کی اپیل کی اور بتایا کہ پرتشدد واقعات کی تحقیقات کے لیے کمیٹی تشکیل دی گئی ہے جو 15 روز میں رپورٹ پیش کرے گی۔
