جنگ نیوز
ناگویا: بھارتی تیرانداز شیتل دیوی نے ایشین پیرا گیمز میں شاندار کارکردگی کا مظاہرہ کرتے ہوئے 2 گھنٹے سے بھی کم وقت میں 2 طلائی تمغے جیت لئے، جبکہ ٹریک اینڈ فیلڈ مقابلوں میں بھارتی دستے نے ملک کے تمغوں کی تعداد 88 تک پہنچانے میں سب سے بڑا کردار ادا کیا۔
19 سالہ شیتل دیوی، جو موجودہ عالمی چیمپئن اور عالمی نمبر ایک ہیں، نے پہلے تومان کمار کے ساتھ مل کر مکسڈ ٹیم مقابلے میں طلائی تمغہ جیتا۔ بھارتی جوڑی نے انڈونیشیا کے تھیوڈورا آڈی آیوڈیا فیریلی اور کین سوگومیلانگ کو 151-148 سے شکست دے کر اپنا اعزاز برقرار رکھا۔
اس کے بعد شیتل دیوی نے سنگاپور کی علیم نور شاہیدہ کو انفرادی مقابلے میں 142-139 سے ہرا کر دوسرا طلائی تمغہ حاصل کیا۔ انہوں نے مقابلے کے دوران 4 پوائنٹس کے خسارے سے واپسی کرتے ہوئے کامیابی حاصل کی۔ یہ ہانگژو 2023 کے انفرادی فائنل کا اعادہ تھا۔
