جنگ نیوز ڈیسک
سرینگر/جموں و کشمیر کے 3 باصلاحیت سافٹ ٹینس کھلاڑیوں سدھانی سنگھ، شری مائی بھٹ اور مدھویندر سنگھ سمبیال کو چین میں 26 سے 31 اکتوبر تک منعقد ہونے والی عالمی سافٹ ٹینس چیمپئن شپ کے لیے بھارتی ٹیم میں منتخب کیا گیا ہے۔
تینوں کھلاڑی کھیلو انڈیا سافٹ ٹینس سینٹر سے وابستہ ہیں۔ ان کا انتخاب امیچر سافٹ ٹینس فیڈریشن آف انڈیا نے کیا، جبکہ جموں و کشمیر امیچر سافٹ ٹینس ایسوسی ایشن نے ان کے ناموں کی سفارش کی تھی۔
تینوں کھلاڑی قومی سطح کے مختلف مقابلوں میں تمغے حاصل کر چکے ہیں۔ حال ہی میں سری نگر میں منعقدہ جونیئر نیشنل سافٹ ٹینس چیمپئن شپ میں شری مائی بھٹ نے 2 کانسی کے تمغے، جبکہ مدھویندر سنگھ سمبیال نے ایک کانسی کا تمغہ جیتا۔
کھلاڑیوں کی کامیابی میں کوچ اندو بھوشن کی رہنمائی اور تربیت نے اہم کردار ادا کیا ہے۔ عالمی چیمپئن شپ کے لیے انتخاب کو جموں و کشمیر میں سافٹ ٹینس کے فروغ اور نوجوان کھلاڑیوں کی صلاحیتوں کا اعتراف قرار دیا جا رہا ہے۔
