جنگ نیو ز ڈیسک
بانڈی پورہ، 3 اکتوبر: ڈائریکٹوریٹ آف یوتھ سروسز اینڈ اسپورٹس (YSS) جموں و کشمیر کے زیر اہتمام ایس کے اسٹیڈیم بانڈی پورہ میں منعقدہ بین الاضلاعی انڈر 19 ہینڈ بال مقابلے اختتام پذیر ہوئے، جس میں جموں کی ٹیم نے چیمپئن شپ اپنے نام کرلی۔
فائنل میں جموں نے میزبان بانڈی پورہ کو شکست دے کر خطاب حاصل کیا۔ مقابلے کے دوران جموں کے کھلاڑیوں نے بہترین مہارت، ہم آہنگی اور کھیل کے جذبے کا مظاہرہ کیا۔
تیسری پوزیشن کے لیے کھیلے گئے میچ میں بارہمولہ نے پونچھ کو شکست دی۔
مقابلوں میں جموں و کشمیر کے مختلف اضلاع سے نوجوان کھلاڑیوں نے شرکت کی اور اپنی صلاحیتوں کا مظاہرہ کیا۔ضلع یوتھ سروسز اینڈ اسپورٹس بانڈی پورہ نے فاتح ٹیم کو مبارک باد دیتے ہوئے تمام شریک ٹیموں، کوچز، عہدیداروں اور معاون عملے کی کوششوں کو سراہا۔
