جنگ نیوز ڈیسک
سری نگر، 22 ستمبر:
ڈپٹی کمشنر سری نگر اکشے لابرو نے پولو ویو کے رگبی فیلڈ میں ڈسٹرکٹ ایڈمنسٹریشن کی انڈر 19 فٹبال رولنگ ٹرافی 2026 کے فائنل میں شرکت کی اور فاتح و رنر اَپ ٹیموں میں ٹرافیاں اور میڈلز تقسیم کیے۔
ٹورنامنٹ کا انعقاد ڈسٹرکٹ یوتھ سروسز اینڈ اسپورٹس آفس نے ڈسٹرکٹ ایڈمنسٹریشن سری نگر کے اشتراک سے کیا، جس میں ضلع کے مختلف اسکولوں سے تقریباً 400 کھلاڑیوں نے حصہ لیا۔
فائنل مقابلہ گورنمنٹ بوائز ہائر سیکنڈری اسکول، جواہر نگر اور سری پرتاپ ماڈل ہائر سیکنڈری اسکول کے درمیان کھیلا گیا، جس میں جواہر نگر اسکول نے کامیابی حاصل کی۔ شیخ ارشان آصف کو ٹورنامنٹ کا بہترین کھلاڑی قرار دیا گیا۔
اس موقع پر اکشے لابرو نے نوجوانوں کو کھیلوں میں زیادہ سے زیادہ حصہ لینے اور منشیات سے دور رہنے کی تلقین کرتے ہوئے کہا کہ کھیل نظم و ضبط، ٹیم ورک، قیادت، بھائی چارے اور صحت مند طرزِ زندگی کو فروغ دیتے ہیں۔
انہوں نے نشا مکت جموں و کشمیر ابھیان کے تحت کھلاڑیوں کو منشیات سے پاک معاشرے کے قیام کا حلف بھی دلایا اور کھلاڑیوں، کوچز، منتظمین اور عہدیداروں کی کاوشوں کو سراہا۔
تقریب میں ایڈیشنل ڈپٹی کمشنر عادل فرید، آئی اے ایس پروبیشنر آکاش گرگ، آئی اے ایس پروبیشنر سائی کرن، چیف پلاننگ آفیسر فیاض احمد ڈار اور ڈسٹرکٹ یوتھ سروسز اینڈ اسپورٹس آفیسر غلام حسن سمیت دیگر افسران، کھلاڑیوں اور کھیل شائقین نے شرکت کی
