جنگ نیوز ڈیسک
بارہمولہ/محکمہ یوتھ سروسز اینڈ اسپورٹس ضلع بارہمولہ نے آج پروفیسر شوکت علی اسٹیڈیم، خواجہ باغ بارہمولہ میں انڈر 17 لڑکوں کے بین زونل ضلعی سطح کے فٹ بال مقابلوں کا آغاز کیا، جس میں 18 تعلیمی زونل ٹیمیں حصہ لے رہی ہیں۔
افتتاحی روز پانچ مقابلے کھیلے گئے۔ ڈانگیواچہ نے واگورہ کو 3-0، بارہمولہ نے سنگپورہ پٹن کو 2-0، پٹن نے چندن واری کو 3-0، سوپور نے روہامہ کو 2-1، جبکہ سنگپورہ کلان نے بارہمولہ کو 3-0 سے شکست دی۔
مقابلوں کے شیڈول کے مطابق کل اسی مقام پر چھ میچ کھیلے جائیں گے، جبکہ ہر ٹیم کو تین میچ کھیلنے کا موقع ملے گا۔
دریں اثنا، کلسٹر پٹن میں انڈر 19 لڑکوں کے بین کلسٹر ضلعی سطح کے کرکٹ مقابلے بھی ہائی اسکول اندرگام میں شروع ہوئے، جن میں چار تعلیمی زونل ٹیمیں حصہ لے رہی ہیں۔
محکمہ یوتھ سروسز اینڈ اسپورٹس کے مطابق ایسے مقابلوں کا مقصد نوجوان کھلاڑیوں کو اپنی صلاحیتیں نکھارنے کے مواقع فراہم کرنے کے ساتھ نظم و ضبط، ٹیم ورک، فٹنس اور کھیلوں کے جذبے کو فروغ دینا ہے
