جنگ نیوز ڈیسک
پلوامہ/ پلوامہ پولیس نے نیلورا، پلوامہ میں طالبات کے لیے کرکٹ ٹورنامنٹ کا انعقاد کیا، جس کا مقصد کھیلوں کو فروغ دینا، نوجوان صلاحیتوں کو نکھارنا اور لڑکیوں کی کھیلوں میں زیادہ سے زیادہ شرکت کی حوصلہ افزائی کرنا تھا۔
ٹورنامنٹ کا افتتاح ایس ایس پی پلوامہ تنوشری آئی پی ایس نے کیا۔ اس موقع پر انہوں نے شریک کھلاڑیوں سے ملاقات کی اور نوجوان طالبات کو کھیلوں میں بڑھ چڑھ کر حصہ لینے اور لگن و اعتماد کے ساتھ اپنی صلاحیتوں کو آگے بڑھانے کی ترغیب دی۔
یہ اقدام نوجوانوں میں کھیلوں کے فروغ اور لڑکیوں کو نچلی سطح پر اپنی صلاحیتوں کے اظہار کے مواقع فراہم کرنے کے لیے پولیس کی کوششوں کا حصہ ہے۔
