جنگ نیوز ڈیسک
بڈگام/ انڈور اسٹیڈیم بڈگام میں 23ویں دو روزہ بیڈمنٹن چیمپئن شپ کا آغاز ہوا، جس میں ضلع بھر سے سینکڑوں اسکولی طلبہ نے شرکت کی۔
تقریب میں سی ای او بڈگام بشیر احمد گنائی اور پی ایس اے کے ریاستی صدر بلال احمد بٹ سمیت متعدد شخصیات موجود تھیں۔ مقررین نے طلبہ کی شخصیت سازی، خود اعتمادی، نظم و ضبط اور صحت مند سرگرمیوں کے فروغ میں کھیلوں کی اہمیت پر زور دیا۔
ڈاکٹر اویس متو اور دیگر منتظمین نے کہا کہ چیمپئن شپ کا مقصد نوجوان ٹیلنٹ کی شناخت، بیڈمنٹن کے فروغ اور کھلاڑیوں کو اعلیٰ سطح پر آگے بڑھنے کے مواقع فراہم کرنا ہے۔
