جنگ نیوز ڈیسک
سرینگر/جموں و کشمیر اسپورٹس کونسل نے قومی فٹ بال چیمپئن شپ 2026-27 کے لیے جونیئر گرلز اور سب جونیئر بوائز ٹیموں کے انتخاب کی خاطر کھلی انتخابی آزمائشوں کا اعلان کیا ہے۔
جونیئر گرلز کے ڈویژنل ٹرائلز 23 اور 24 اگست کو جموں اور سرینگر میں، جبکہ یو ٹی سطح کے ٹرائلز 26 اور 27 اگست کو ٹی آر سی سرینگر میں ہوں گے۔ 2011 اور 2012 میں پیدا ہونے والی لڑکیاں اہل ہوں گی۔
سب جونیئر بوائز کے ڈویژنل ٹرائلز یکم تا 3 ستمبر، جبکہ یو ٹی سطح کے ٹرائلز 7 اور 8 ستمبر کو ٹی آر سی سرینگر میں ہوں گے۔ 2013 اور 2014 میں پیدا ہونے والے لڑکے شرکت کے اہل ہوں گے۔
امیدواروں کو ضروری دستاویزات کے ساتھ ٹرائلز میں شرکت کی ہدایت دی گئی ہے۔
