جنگ نیوز
مرکزی وزارت قانون و انصاف نے لوک سبھا کو بتایا کہ جموں و کشمیر کی ضلعی و ماتحت عدالتوں میں 365645 مقدمات زیرِ التوا ہیں۔ ان میں 63876 مقدمات پانچ سال سے زائد جبکہ 20767 مقدمات 10 سال سے زائد عرصے سے زیرِ سماعت ہیں۔
وزارت کے مطابق جموں و کشمیر اور لداخ ہائی کورٹ میں بھی 44557 مقدمات زیرِ التوا ہیں، جن میں 6106 مقدمات 10 سال سے زائد پرانے ہیں۔ لداخ کی ضلعی و ماتحت عدالتوں میں 1745 مقدمات زیرِ التوا ہیں۔
مرکز نے مقدمات کے بوجھ کو کم کرنے کے لئے ای-کورٹس منصوبے کے تیسرے مرحلے کے تحت 2023-27 کے لئے 7210 کروڑ روپے مختص کیے ہیں۔
