جنگ نیوز
سرینگر/ پیپلز ڈیموکریٹک پارٹی کی صدر محبوبہ مفتی کی بیٹی التجاء مفتی نے مرکزی وزیرِ داخلہ امت شاہ سے مرکزی تحقیقاتی ایجنسیوں کے نام مبینہ طور سیاسی دباؤ کے لئے استعمال کیے جانے کی تحقیقات کا مطالبہ کیا ہے۔
انہوں نے الزام لگایا کہ پیپلز کانفرنس کے رہنما PDP کے یاسر ریشی کو ED اور NIA کے نام لے کر دھمکا رہے ہیں اور امت شاہ کا نام استعمال کرکے خوف پیدا کیا جا رہا ہے۔
التجا مفتی نے کہا کہ اگر یہ سب وزیرِ داخلہ کے علم میں نہیں تو ذمہ داروں کے خلاف کارروائی ہونی چاہیے۔ انہوں نے مزید الزام لگایا کہ 2019 کے بعد اس طرح کی سیاست عام ہو گئی ہے اور PDP رہنماؤں پر دباؤ ڈالنے کے لئے مرکزی ایجنسیوں کے نام استعمال کیے جا رہے ہیں۔ انہوں نے خبردار کیا کہ PDP ایسی مبینہ دھمکیوں کے خلاف خاموش نہیں رہے گی۔
