جنگ نیوز
نئی دہلی/ مرکزی وزیر ثقافت و سیاحت گجیندر سنگھ شیخاوت نے راجیہ سبھا کو بتایا کہ ساہتیہ اکادمی نے کشمیری شاعراؤں اور صوفی شخصیات لَل دید، حبہ خاتون اور روپہ بھوانی سے متعلق کتابیں متعدد بھارتی زبانوں میں ترجمہ اور شائع کی ہیں۔
انہوں نے کہا کہ لَل دید کے کلام کا ہندی ترجمہ "للیشوری کے وَکھ” کے عنوان سے شائع کیا گیا ہے، جبکہ لَل دید پر انگریزی، ہندی اور اردو، حبہ خاتون پر انگریزی، ہندی، تمل اور اردو، اور روپہ بھوانی پر انگریزی میں مونوگراف شائع کیے گئے ہیں۔
وزیر نے بتایا کہ گیان بھارتم منصوبے کے تحت جموں و کشمیر میں مخطوطات کے تحفظ، تحقیق اور ڈیجیٹلائزیشن کے لئے 25-2024 میں55.16 لاکھ اور 2026-25 میں 28 لاکھ روپے کی مالی معاونت فراہم کی گئی۔
