جنگ نیوز ڈیسک
سرینگر، 14 جولائی: جموں کشمیر اسپورٹس کونسل نے AIFF سب جونیئر گرلز نیشنل فٹبال چیمپئن شپ 2026 کے لیے جموں و کشمیر کی انڈر-14 گرلز ٹیم کے انتخابی ٹرائلز کا آغاز کر دیا۔
پہلے روز وادی کشمیر سے 60 اور جموں ڈویژن سے 15 سمیت مجموعی طور پر 75 کھلاڑیوں نے شرکت کی۔ تکنیکی کمیٹی نے کھلاڑیوں کا جائزہ تکنیکی مہارت، جسمانی فٹنس، حکمتِ عملی اور کھیل کی سمجھ کی بنیاد پر لیا۔
اسپورٹس کونسل کے مطابق حتمی انتخابی ٹرائلز 16 اور 17 جولائی کو TRC سرینگر کے سنتھیٹک ٹرف فٹبال اسٹیڈیم میں ہوں گے، جہاں منتخب کھلاڑی AIFF سب جونیئر گرلز نیشنل فٹبال چیمپئن شپ 2026 میں جموں و کشمیر کی نمائندگی کریں گے۔
کونسل نے کہا کہ اس اقدام کا مقصد خواتین کے فٹبال کو فروغ دینا اور نوجوان کھلاڑیوں کو قومی سطح پر اپنی صلاحیتیں دکھانے کے مساوی مواقع فراہم کرن ہے۔
