سری نگر:
ضلع کشتواڑ میں سوہل روڈ پر گلاب گڑھ کے قریب جمعہ کو ایک ٹپر گہری کھائی میں گرنے سے ایک باپ اور اس کا بیٹا ہلاک جبکہ دو دیگر زخمی ہوگئے۔ خبر رساں ایجنسی جی این ایس نے حکام کے حوالے سے اطلاع دی ہے کہ مرنے والوں کی شناخت 55 سالہ انورودھ سنگھ ولد نند لال اور اس کے بیٹے دیپک کمار (30) کے طور پر کی گئی ہے۔
زخمیوں کی شناخت سپوت سنگھ (35) ولد دھنتر سنگھ اور رویندر سنگھ (35) ولد گردھاری لال کے طور پر ہوئی ہے۔ دونوں کو جائے حادثہ سے بچالیا گیا اور علاج کے لیے قریبی اسپتال منتقل کردیا گیا، پولیس نے واقعے کا نوٹس لیتے ہوئے تحقیقات شروع کردی ہیں۔
