جنگ نیوز ڈیسک
یومِ عاشور کے موقع پر سری نگر کے زڈی بل میں مختلف رضاکار تنظیموں، سماجی اداروں اور طبی گروپوں کے زیرِ اہتمام قائم خون عطیہ کیمپوں میں تقریباً تیرہ سو بوتل خون عطیہ کیا گیا، جسے انسانی خدمت اور جذبۂ ایثار کی ایک شاندار مثال قرار دیا جا رہا ہے۔
دن بھر جاری اس مہم میں ہزاروں عزاداروں نے مذہبی اجتماعات اور جلوسوں میں شرکت کے ساتھ ساتھ خون عطیہ کر کے حضرت امام حسینؑ کی عظیم قربانی کو خراجِ عقیدت پیش کیا۔ تنظیم سلام 72 نے 282، رحمت للعالمین نے 137 جبکہ یونائیٹڈ فورم ہیلتھ نے 140 سے زائد بوتل خون جمع کیا، جبکہ دیگر تنظیموں کے تعاون سے مجموعی تعداد تقریباً 1300 تک پہنچ گئی۔
