جنگ نیوز
نئی دہلی: حکومت ہند نے پہلی بار آپریشن سندور کے دوران جان نچھاور کرنے والے چھ فوجی اہلکاروں کے نام باضابطہ طور پر منظرِ عام پر لاتے ہوئے انہیں نئی دہلی میں قائم قومی یادگارِ شہداء (نیشنل وار میموریل) کے رول آف آنر میں شامل کر دیا ہے۔
شہداء میں صوبیدار میجر پون کمار، رائفل مین سنیل کمار (ویر چکر)، لانس نائک دنیش کمار، ایوی ایشن ٹیکنیشن موڈ مرلی نائک، حوالدار سنیل کمار سنگھ اور سارجنٹ سریندر کمار (وایو میڈل) شامل ہیں۔ یہ پہلی سرکاری تصدیق ہے کہ مئی 2025 میں پہلگام حملے کے بعد شروع کیے گئے آپریشن سندور کے دوران بھارتی فوج اور فضائیہ کے یہ اہلکار ہلاک ہوئے تھے۔ حکومت کے مطابق ان کے نام قومی یادگارِ شہداء پر کندہ کر دیے گئے ہیں تاکہ ان کی قربانی کو ہمیشہ یاد رکھا جا سکے۔
