جنگ نیوز ڈیسک
عالمگیری بازار میں اسلامی خطاطی پر مشتمل ایک یادگاری تنصیب عوام کے نام وقف کی، جس پر اللہ تعالیٰ، حضرت محمد ﷺ، حضرت علیؑ، حضرت فاطمہ زہراؑ، امام حسنؑ اور امام حسینؑ کے مقدس اسمائے گرامی نقش ہیں۔
اس موقع پر تنویر صادق نے کہا کہ یہ یادگار کشمیر کے مذہبی و ثقافتی ورثے اور اہلِ بیتؑ کی تعلیمات کو خراجِ عقیدت پیش کرتی ہے۔ انہوں نے کہا کہ یہ محض تزئین و آرائش کا منصوبہ نہیں بلکہ ایمان، اخوت، محبت اور خدمتِ انسانیت کی اقدار کی علامت ہے۔
انہوں نے کہا کہ زڈی بل کی ایک نمایاں شناخت کو اللہ تعالیٰ کے مبارک نام سے منسوب کرنے کی ان کی دیرینہ خواہش آج پوری ہوئی ہے۔ ان کے مطابق یہ تنصیب علاقے کی خوبصورتی میں اضافہ کرنے کے ساتھ ساتھ روحانیت، ہم آہنگی اور عوامی فخر کی علامت بنے گی۔
تنویر صادق نے اس عزم کا بھی اعادہ کیا کہ زڈی بل کی مذہبی و ثقافتی شناخت کے تحفظ اور عوامی سہولیات کی بہتری کے لیے ترقیاتی اقدامات جاری رہیں گے۔
