جنگ نیوز
سری نگر/ شمالی کشمیر کے اُڑی سیکٹر کے کمل کوٹ علاقے میں لائن آف کنٹرول (ایل او سی) کے نزدیک بدھ کو ایک حادثاتی دھماکے میں دو فوجی اہلکار جاں بحق ہوگئے۔
حکام کے مطابق مہاراشٹر سے تعلق رکھنے والے سپاہی ارجن جادھو اور وکرم بالاکرشنا، جو 8 راشٹریہ رائفلز سے وابستہ تھے، دھماکے میں شدید زخمی ہوگئے۔ دونوں کو فوری طور پر سری نگر کے بادامی باغ فوجی اسپتال منتقل کیا گیا، تاہم وہ زخموں کی تاب نہ لاتے ہوئے دم توڑ گئے۔
دھماکے کی وجوہات فوری طور پر معلوم نہیں ہو سکیں۔
لیفٹیننٹ گورنر منوج سنہا نے جاں بحق فوجیوں کو خراجِ عقیدت پیش کرتے ہوئے کہا کہ قوم ان کی فرض شناسی اور عظیم قربانی کو ہمیشہ یاد رکھے گی۔
سری نگر میں قائم چنار کور اور چنار واریئرز نے بھی شہید فوجیوں کو خراجِ عقیدت پیش کرتے ہوئے کہا کہ ان کی بہادری، قربانی اور وطن کے لئے خدمات آنے والی نسلوں کے لئے مشعلِ راہ رہیں گی۔
