جنگ نیوز
سری نگر/ MEIL کے چیف آپریٹنگ آفیسر (COO) ہرپال سنگھ نے کہا ہے کہ زوجیلا ٹنلکی تکمیل کے بعد کشمیر اور لداخ کے درمیان سال بھر سڑک رابطہ ممکن ہو جائے گا، جس سے سیاحت، تجارت اور مقامی معیشت کو نمایاں فروغ ملے گا۔
انہوں نے کہا کہ اس وقت بھاری برفباری کے باعثزوجیلا پاس ہر سال کئی ماہ تک بند رہتا ہے، تاہم ٹنل کے فعال ہونے کے بعد لداخ کو ہر موسم میں بلا تعطل زمینی رابطہ حاصل ہوگا۔
سنگھ نے کہا کہ یہ منصوبہ خطرناک پہاڑی راستے پر پیش آنے والے حادثات میں بھی کمی لائے گا اور مسافروں کو زیادہ محفوظ اور قابل اعتماد سفری سہولت فراہم کرے گا۔
انہوں نے کہا کہ بہتر رابطہ کاری سے سیاحوں کی آمد میں اضافہ ہوگا، جس سے ٹیکسی آپریٹروں، ہوٹل مالکان، دکانداروں اور سیاحت سے وابستہ دیگر شعبوں کو فائدہ پہنچے گا۔
COO MEIL نے حالیہ بریک تھرو کو منصوبے کا اہم سنگ میل قرار دیتے ہوئے کہا کہ ابھی تقریباً ڈھائی سال کا کام باقی ہے اور ٹنل کے ذریعے ٹریفک کی آمدورفت 2028 کے اواخر تک شروع ہونے کی توقع ہے۔
