جنگ نیوز
سری نگر/ BJP ضلع سری نگر نے پنڈت دین دیال اُپادھیائے پرشکشن مہابھیان 2026 کے تحت چرچ لین سری نگر میں ضلعی سطح کے تربیتی کیمپ کا انعقاد کیا۔
کیمپ سے خطاب کرتے ہوئے BJP کے جنرل سیکرٹری (تنظیم) اشوک کول نے کہا کہ پارٹی کی اصل طاقت اس کے نظریے، منظم کارکنوں اور قوم کی تعمیر کے عزم میں مضمر ہے۔ انہوں نے کہا کہ کارکنوں کو پارٹی کے نظریات سے جڑے رہتے ہوئے عوامی مسائل کے حل کے لئے سرگرم کردار ادا کرنا چاہیے۔
اشوک کول نے کہا کہ پنڈت دین دیال اُپادھیائے کا فلسفہ "انٹیگرل ہیومنزم” آج بھی BJP کی پالیسیوں کی بنیاد ہے اور کارکنوں کو ان نظریات کو عوام تک پہنچانے کی ضرورت ہے۔
تقریب میں وقف بورڈ کی چیئرپرسن ڈاکٹر درخشاں اندرابی، BJP کے ریاستی سیکرٹری مدثر وانی اور عارف راجہ، ڈاکٹر شہناز گنائی، ایڈووکیٹ شیخ سلمان سمیت پارٹی کے متعدد عہدیداروں اور کارکنوں نے شرکت کی۔
