سرینگر، 01 جون، سری نگر کے نگین کلب علاقے کے قریب نگین جھیل میں نہاتے ہوئے ایک لڑکا پیر کی دوپہر ڈوب کر ہلاک ہو گیا۔
ایک اہلکار نے نیوز ایجنسی – کشمیر نیوز آبزرور (کے این او) کو بتایا کہ ایس ڈی آر ایف نگین اور دیگر پر مشتمل ایک ریسکیو ٹیم نے واقعے کی اطلاع ملنے کے فوراً بعد ریسکیو آپریشن شروع کیا۔
انہوں نے بتایا کہ لڑکے کو پانی سے نکال کر ایس ڈی ایچ حضرتبل (حبک) منتقل کیا گیا، جہاں ڈاکٹروں نے اسے مردہ قرار دیا۔
متوفی کی شناخت بعد ازاں نزیل شکیل بٹ ولد شکیل احمد بٹ کے طور پر ہوئی جو سری نگر کے نوہٹہ علاقے کے رہائشی تھے۔
دریں اثنا، واقعے کا نوٹس لے لیا گیا ہے۔—
