جنگ نیوز

الیکشن کمیشن آف انڈیا نے آسام، کیرالہ، تمل ناڈو، پڈوچیری اور مغربی بنگال میں اسمبلی انتخابات کے شیڈول کا اعلان کر دیا ہے۔ چیف الیکشن کمشنر گیانیش کمار نے نئی دہلی میں پریس کانفرنس کے دوران بتایا کہ آسام، کیرالہ اور پڈوچیری میں ووٹنگ 9 اپریل کو جبکہ تمل ناڈو میں 23 اپریل کو ہوگی۔
مغربی بنگال میں ووٹنگ دو مرحلوں میں 23 اور 29 اپریل کو ہوگی۔ پہلے مرحلے میں 152 اور دوسرے مرحلے میں 142 اسمبلی حلقوں میں پولنگ ہوگی۔ پانچوں ریاستوں اور مرکز کے زیر انتظام علاقے کے ووٹوں کی گنتی 4 مئی کو کی جائے گی۔
انہوں نے کہا کہ انتخابی شیڈول کے اعلان کے ساتھ ہی متعلقہ ریاستوں میں ضابطہ اخلاق نافذ ہو گیا ہے۔ ان انتخابات میں تقریباً 17 کروڑ ووٹر حصہ لیں گے اور دو لاکھ سے زیادہ پولنگ اسٹیشن قائم کیے جائیں گے۔ الیکشن کمیشن کے مطابق ہر پولنگ اسٹیشن پر بنیادی سہولیات فراہم کی جائیں گی اور نگرانی کے لیے سو فیصد ویب کاسٹنگ کو یقینی بنایا جائے گا۔

جنگ نیوز

الیکشن کمیشن آف انڈیا نے آسام، کیرالہ، تمل ناڈو، پڈوچیری اور مغربی بنگال میں اسمبلی انتخابات کے شیڈول کا اعلان کر دیا ہے۔ چیف الیکشن کمشنر گیانیش کمار نے نئی دہلی میں پریس کانفرنس کے دوران بتایا کہ آسام، کیرالہ اور پڈوچیری میں ووٹنگ 9 اپریل کو جبکہ تمل ناڈو میں 23 اپریل کو ہوگی۔
مغربی بنگال میں ووٹنگ دو مرحلوں میں 23 اور 29 اپریل کو ہوگی۔ پہلے مرحلے میں 152 اور دوسرے مرحلے میں 142 اسمبلی حلقوں میں پولنگ ہوگی۔ پانچوں ریاستوں اور مرکز کے زیر انتظام علاقے کے ووٹوں کی گنتی 4 مئی کو کی جائے گی۔
انہوں نے کہا کہ انتخابی شیڈول کے اعلان کے ساتھ ہی متعلقہ ریاستوں میں ضابطہ اخلاق نافذ ہو گیا ہے۔ ان انتخابات میں تقریباً 17 کروڑ ووٹر حصہ لیں گے اور دو لاکھ سے زیادہ پولنگ اسٹیشن قائم کیے جائیں گے۔ الیکشن کمیشن کے مطابق ہر پولنگ اسٹیشن پر بنیادی سہولیات فراہم کی جائیں گی اور نگرانی کے لیے سو فیصد ویب کاسٹنگ کو یقینی بنایا جائے گا۔