جنگ نیوز ڈیسک
وزیر اعظم نریندر مودی نے آسام میں ایک اجتماع سے خطاب کرتے ہوئے کانگریس پر سخت تنقید کی اور اسے “جھوٹے وعدوں کی دکان” قرار دیا۔ انہوں نے الزام لگایا کہ کانگریس نے اپنے سیاسی مفادات کے لیے مختلف برادریوں کے درمیان تقسیم پیدا کی، جبکہ بی جے پی نے شمال مشرقی خطے میں دیرپا امن کے قیام کے لیے کام کیا۔
وزیر اعظم نے کہا کہ این ڈی اے حکومت آسام میں امن اور ترقی کے ایک نئے دور کے لیے کام کر رہی ہے اور بودولینڈ سمیت پورے خطے کو استحکام اور ترقی کی راہ پر گامزن کیا گیا ہے۔
انہوں نے مزید کہا، “آپ کی محبت میرے لیے ایک قرض کی طرح ہے اور میری ہمیشہ کوشش رہی ہے کہ اس قرض کو آپ کی خدمت کر کے اور اس خطے کی ترقی کے لیے کام کر کے ادا کروں۔ چند ہفتے پہلے مجھے گوہاٹی میں بودو ثقافت کو قریب سے دیکھنے کا موقع بھی ملا۔”
