جنگ نیوز ڈیسک
جموں/ جموں و کشمیر لیفٹیننٹ گورنر سیکریٹریٹ نے پیر کو ایک اہم اعلامیہ جاری کرتے ہوئے یونین ٹیریٹری کے راج بھون کا نام باضابطہ طور پر تبدیل کرکے لوک بھون جموں و کشمیر رکھ دیا ہے۔
سرکاری حکم نامے کے مطابق یہ عمارت لیفٹیننٹ گورنر کی سرکاری رہائش گاہ اور دفتر کے طور پر استعمال ہوتی ہے۔ اس فیصلے کی اطلاع ایک سرکاری حکم میں دی گئی ہے ۔
پرنسپل سیکریٹری ڈاکٹر مندیپ کے بھنڈاری کے دستخط شدہ حکم میں کہا گیا ہے کہ نام کی تبدیلی فوری طور پر نافذ العمل ہے۔ اس کے ساتھ ہی واضح کیا گیا ہے کہ سرکاری ریکارڈ، دستاویزات اور تمام سرکاری حوالوں میں راج بھون جموں و کشمیر کی جگہ اب لوک بھون جموں و کشمیر استعمال ہوگا۔
یہ فیصلہ وزارت داخلہ حکومت ہند کی ایک مواصلات اور لیفٹیننٹ گورنر کے جاری کردہ احکامات کے تناظر میں عمل میں لایا گیا ہے۔ اس تبدیلی کو انتظامی سطح پر ایک علامتی مگر اہم قدم قرار دیا جا رہا ہے۔
